हिमाल प्रेस 
काठमाडौँ- पेट्रोलियम पदार्थको मूल्य घटेको छ। इन्डियन आयल कर्पोरेसन (आईओसी) बाट मूल्य घटेर आएपछि निगमले मूल्य समायोजन गरेको हो।
नयाँ मूल्य आइतबार मध्यरातिदेखि लागू हुने निगमले जनाएको छ।
निगमले जनाएअनुसार डिजेल÷मट्टितेलमा प्रतिलिटर चार, हवाई इन्धन आन्तरिक तर्फ प्रतिलिटर एक तथा हवाई इन्धन अन्तर्राष्ट्रियतर्फ काठमाडौँका लागि प्रतिकिलोलिटर ७ अमेरिकी डलर घटाइएको छ।
पेट्रोल घटेर आए पनि बिक्री मूल्य यथावत राखिएको निगमले जनाएको छ। त्यस्तै एलपी ग्यासको बिक्री मूल्य पनि यथावत राखिएको छ।
प्रकाशित: १५ भदौ २०८२ २०:३९
प्रतिक्रिया
