हिमाल प्रेस 
काठमाडौँ- एएफसी महिला च्याम्पियन्स लिगको प्रारम्भिक चरणमा समूह ‘बी’ आफ्नो अन्तिम खेलमा एपीएफ क्लबले आज साउदी अरेबियाको अल नासरसँग खेल्दैछ।
उज्वेकिस्तानको क्वार्सीस्थित मार्काजिय स्टेडियममा नेपाली समय अनुसार साँझ सवा ६ बजे सुरु हुने खेलमा एपीएफ सान्त्वना जितको खोजीमा हुनेछ। लगातार दुई खेलमा पराजित भएको एपीएफको अघिल्लो चरणमा प्रवेश गर्ने सम्भावना सकिएको छ।
एपीएफ पहिलो खेलमा उज्बेकिस्तानको नासाफ पीएफसीसँग ३-० गोलअन्तरले पराजित भएको थियो भने दोस्रो खेलमा थाइ क्लब कलेज अफ एसियन स्कोलार्ससँग ५-० ले पराजित भएको थियो।
पहिलो खेलमा थाइ क्लब र दोस्रो खेलमा नासाफसँग पराजित भएको अल नासर पनि सान्त्वना जितकै खोजीमा हुनेछ। प्रारम्भिक चरणमा रहेका ५ समूहबाट शीर्ष हुने टोलीहरू तथा ५ मध्ये एक उत्कृष्ट उपविजेताले अघिल्लो चरणमा स्थान पक्का गर्नेछ।
प्रकाशित: १५ भदौ २०८२ ११:४३
प्रतिक्रिया
