हिमाल प्रेस 
प्रतिनिधिसभा बैठकमा आफ्ना कुरा राख्दै राप्रपा सांसद ज्ञानेन्द्र शाही
काठमाडौँ- राष्ट्रिय प्रजातन्त्र पार्टी (राप्रपा) ले भारत र चीनबीच नेपाली भूमि लिपुलेकलाई व्यापारिक नाकाका रूपमा प्रयोग गर्ने गरी भएको सहमतिबारे दुवै मुलुकसँग प्रधानमन्त्रीस्तरीय वार्ता गर्न सरकारसँग माग गरेको छ।
प्रतिनिधिसभाको शुक्रबारको बैठकको आकस्मिक समयमा बोल्दै राप्रपाका प्रमुख सचेतक ज्ञानबहादुर शाही (ज्ञानेन्द्र शाही) ले प्रधानमन्त्री केपी शर्मा ओलीलाई भारत र चीनसँग प्रधानमन्त्रीस्तरीय वार्ता गर्न आग्रह गरेका हुन्।
उनले भने, ‘प्रधानमन्त्रीज्यू, छिमेकी राष्ट्र चीन र भारत भ्रमणमा जाँदै हुनुहुन्छ भन्ने कुरा सुनेको छु। लिपुलेक, लिम्पियाधुरा र कालापानीबारे भारत र चीनसँग प्रधानमन्त्रीस्तरीय वार्ता गर्नुपर्छ। र,यो वार्ता गर्न हामी अपील गर्दछौँ।’
उनले लिपुलेक लिम्पियाधुराबारे संयुक्त राष्ट्रसंघमा किन कुरा नउठाइएको भनेर सरकारलाई सोधे। ‘यो विषय संयुक्त राष्ट्रसंघमा उठाइयोस्। तर अहिलेको सरकार पोलियो रोग लागेको मान्छे जस्तै रहे छ’, उनले भने।
![किसानका लागि २६ प्रकारका सहुलियतपूर्ण कर्जा, अन्य क्षेत्रमा कति? [विवरणसहित]](https://himalpress.com/wp-content/uploads/2025/08/byaj.jpg)
![शिक्षा विधेयकमा राहत, विद्यालय कर्मचारी, बालविकास, स्थायी शिक्षकबारे यस्तो छ व्यवस्था [प्रतिनिधिसभामा पेस गरिएको प्रतिवेदनको पूर्णपाठ]](https://himalpress.com/wp-content/uploads/2025/08/education-bill-1.jpg)
