हिमाल प्रेस 
जनकपुर- मधेश प्रदेशसभाको छैटौँ अधिवेशन यही भदौ १२ गतेदेखि हुने भएको छ।
प्रदेश प्रमुखको कार्यालयका प्रवक्ता सत्रुधन यादवले बिहीबार विज्ञप्ति जारी गर्दै प्रदेश प्रमुखबाट भदौ ५ गते बसेको प्रदेश सरकारको बैठकको निर्णयअनुसार प्रदेशसभाको अधिवेशन आह्वान गरिएको जानकारी दिएका हुन्।
मधेश प्रदेश सरकार (मन्त्रिपरिषद्) को मिति २०८२/०५/०४ गतेको बैठकबाट प्रदेशसभाको छैटौँ अधिवेशन आह्वान गर्ने निर्णयानुसार सिफारिस भई आएअनुसार नेपालको संविधानको धारा १८३ को उपधारा (१) अनुसार अधिवेशन आह्वान गरिएको प्रेस विज्ञप्तिमा उल्लेख छ।
‘प्रदेश प्रमुखबाट २०८२/०५/१२ गते बिहीबार दिनको १ बजेदेखि मधेश प्रदेशसभाको छैटौँ अधिवेशन आह्वान गरेको व्यहोरा जानकारीका लागि अनुरोध छ’, विज्ञप्तिमा भनिएको छ ।
प्रकाशित: ६ भदौ २०८२ ६:२३
प्रतिक्रिया
