हिमाल प्रेस 
काठमाडौँ- पूर्वराष्ट्रपति विद्यादेवी भण्डारीले नेपालमा वाम एकता सम्भव नरहेको बताएकी छन् । आज विराटनगर विमानस्थलमा सञ्चारकर्मीसँगको कुराकानीका क्रममा भण्डारी आफूले नेपालमा वाम एकताको सम्भावना बलियो नदेखेको बताइन् ।
सञ्चारकर्मीले वाम एकताबारे राखेको प्रश्नको जवाफमा भण्डारीले भनिन्, ‘नेपालमा यति धेरै वामपन्थी पार्टीहरू छन् । सम्भावना नै छैन भनेर भन्न पनि मिलेन । तर, सम्भावना म त्यति बलियो देख्दिनँ।’
उनले अहिले पनि आफू एमाले नै रहेको दाबी गरिन्। ‘म एमालेकै कार्यकर्ता हुँ। एमालेमै रहन्छु।’ उनले भनिन्।
प्रकाशित: २ भदौ २०८२ १३:०५
प्रतिक्रिया
