‘राष्ट्रिय मुक्ति पार्टी नेपालमा पदाधिकारी चयन, वरिष्ठ उपाध्यक्षमा सुमन सायमी, महासचिवमा केशव झा

काठमाडौँ- राजेन्द्र महतो नेतृत्वको ‘राष्ट्रिय मुक्ति पार्टी नेपाल’ले ३१ सदस्यीय पदाधिकारी चयन गरेको छ। अध्यक्ष महतोले आज विज्ञप्ति जारी गरी केन्द्रीय कार्यसमिति तथा केन्द्रीय निकायको पदाधिकारी र सदस्य चयन गरेको जानकारी दिएका छन्।

सो पार्टीले अध्यक्षमहतोसहित तीन वरिष्ठ उपाध्यक्ष, चार उपाध्यक्ष, पाँच महासचिव, एक कोषाध्यक्ष र एक सहकोषाध्यक्ष, दुई प्रवक्ता, सात उपमहासचिव र सात सचिव चयन गरेको छ । त्यसैगरी केन्द्रीय अनुशासन, निर्वाचन, लेखापरीक्षण र विज्ञ समितिको अध्यक्ष र सदस्य पनि चयन गरेको छ ।

वरिष्ठ उपाध्यक्षमा मलाकुमारी गुरुङ, रामनरेश राय यादव, सुमन सायमी र उपाध्यक्षमा कौसलकुमार सिंह, डा राजीवकुमार झा, राजेन्द्रप्रुाद पाठक र ओमप्रकाश यादव हुन्। त्यसैगरी महासचिवमा केशवकुमार झा, मिङमार तामाङ, रमेश योङहाङ, सन्तोषकुमार महतो र अनिलकुमार महासेठ छन् भने कोषाध्यक्षमा नरेन्द्र बज्राचार्य चयन भएका छन्।