रसुवामा बस दुर्घटना, २१ जना घाइते

काठमाडौँ- रसुवामा बिहीबार अपराह्न बस दुर्घटना हुँदा २१ जना घाइते भएका छन्। उत्तरगया गाउँपालिका-५ लहरेपौवास्थित पासाङल्हामु राजमार्गअन्तर्गत धुन्चे–त्रिशूली सडक खण्डमा बस दुर्घटना भएको हो।

दुर्घटना भएकामध्ये चारजनालाई उपचारका लागि काठमाडौँ ल्याइएको छ। १७ जना घाइतेलाई त्रिशूली लगिएको सशस्त्र प्रहरी बलका सहायक प्रवक्ता डीएसपी शैलेन्द्र थापाले जानकारी दिए।

गत्लाङबाट काठमाडौँका लागि गुडिरहेको बा ४ ख ८४३५ नम्बरको यात्रुवाहक बस बेत्रावतीबाट नं. नखुलेको अटोलाई साइड दिने क्रममा सडकबाट खसेको थियो। घाइतेहरूलाई सुरक्षाकर्मी तथा स्थानीयहरूले उद्धार गरेका थिए।