हिमाल प्रेस 
फाइल तस्बिर।
दार्चुला- शैल्यशिखर नगरपालिका वडा नं. ३, कर्कलेस्थित गोकुलेश्वर-मार्मा सडकखण्ड नजिक शुक्रबार संकास्पद रूपमा हिँडिरहेका भान सिंह ऐरलाई नेपाल प्रहरीले पक्राउ गरेको छ।
प्रहरीको प्रारम्भिक जानकारी अनुसार ऐरको साथमा रहेको कालो झोलाबाट ६ फिट ३ इन्च लम्बाई, अगाडिको खुट्टाको चौडाई ३ फिट १० इन्च, पछाडिको खुट्टाको चौडाई ३ फिट ८ इन्च र कम्मरको भाग १ फिट १० इन्च रहेको चितुवाको छाला बरामद भएको छ।
बरामद छालासहित उनलाई कारबाहीका लागि डिभिजन वन कार्यालय दार्चुला पठाइएको प्रहरीले जनाएको छ।
प्रकाशित: ३० साउन २०८२ १०:३४
प्रतिक्रिया
