हिमाल प्रेस 
इटहरी- इटहरी उपमहानगरपालिकाले एक अर्ब रुपैयाँभन्दा बढी घटाएर बजेट ल्याएको छ। आगामी आर्थिक वर्ष २०८२/८३ का लागि २ अर्ब ५५ करोड २१ लाख बजेट सार्वजनिक गरिएको हो।
उपुप्रमुख संगीताकुमारी चौधरीले नगरसभामा प्रस्तुत गरेको विवरण अनुसार चालु खर्चतर्फ १ अर्ब ४ करोड ११ लाख १० हजार छुट्याएको छ। यस्तै वित्तीय व्यवस्थातर्फ साँवा र ब्याज भुक्तानीका लागि ९० लाख र पुँजीगत खर्चतर्फ १ अर्ब ३० करोड १९ लाख ९० हजार विनियोजन गरिएको जनाइएको छ।
उपमहानगरले यस वर्ष ल्याएको बजेट चालु आर्थिक वर्षको भन्दा एक अर्ब भन्दा कमको हो। चालू आर्थिक वर्ष उपमहानगरले ३ अर्ब ५७ करोड ८४ लाख ५० हजार रुपैयाँको बजेट ल्याएको थियो। गत वर्ष महत्वाकांक्षी बजेट ल्याएको भन्दै आलोचनासमेत भएको थियो।
प्रकाशित: १० असार २०८२ १९:०७
प्रतिक्रिया
