हिमाल प्रेस 
फाइल तस्बिर।
काठमाडौँ- राप्रपा नेपाल केन्द्रीय कार्य सम्पादन समितिको बैठक आज बस्ने भएको छ।
बैठकमा गत जेठ १५ देखि भएको आन्दोलनको समीक्षा, आगामी आन्दोलनको स्वरूप र तयारीबारे पार्टीको कार्ययोजना, भूमिका र धारणा बारेमा छलफल हुने राप्रपा नेपालका महामन्त्री राजाराम बर्तौलाले जानकारी दिए।
बैठकमा पार्टीको आन्तरिक संगठन सुदृढीकरणका बारेमा पनि छलफल हुने छ। वर्षात्को सिजन भएकोले पार्टीले कार्यकर्ता भेला , प्रशिक्षण र गोष्ठी सन्चालन गर्ने बारेमा समेत टुंगो लगाइने बर्तौलाले बताए।
बैठकमा पार्टी अध्यक्ष कमल थापाले मुलुकको पछिल्लो राजनीतिक घटनाक्रम, आन्दोलनको आवश्यकता र औचित्य तथा राप्रपा नेपालको भूमिकाको बारेमा धारणा राख्ने त्यसमा छलफल हुने कार्यसूची रहेको छ।
प्रकाशित: १ असार २०८२ १०:३१
प्रतिक्रिया
