हिमाल प्रेस 
प्रतीकात्मक तस्बिर।
बागमती- वर्षासँगै आज (बिहीबार) चट्याङ लागेर मकवानपुरमा एक बालकको मृत्यु भएको छ। एक जना घाइते भएका छन्।
चट्याङ लागेर कैलाश गाउँपालिका-९, थामलेकका १४ वर्षीय कान्छा गोलेको मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक श्यामु अर्यालले जानकारी दिए। आफ्नै घर बाहिर खाटमा बसिरहेका अवस्थामा चट्याङ लागेर उनको घटनास्थलमै मृत्यु भएको हो।
यस्तै चट्याङ लागेर बागमती गाउँपालिका-२ देउराली गाउँका ३२ वर्षीय कृष्णबहादुर श्रेष्ठ घाइते भएका छन्। आफ्नै घरमा बसिरहेका अवस्थामा उनी चट्याङ लागेर घाइते भएका हुन्। उनको राईगाउँ स्वास्थ्य चौकीमा उपचार भइरहेको प्रहरी नायव उपरीक्षक अर्यालले बताए।
चट्याङ लागेर स्थानीय कमलजंग रानामगरको घरमा क्षति पुगेको प्रहरीले जनाएको छ।
प्रकाशित: २९ जेठ २०८२ २१:२६
प्रतिक्रिया
