सुनको मूल्य घट्यो, चाँदीमा सामान्य वृद्धि

काठमाडौँ- साताको दोस्रो दिन सोमबार नेपाली बजारमा सुनको मूल्य घटेको छ भने चाँदीको मूल्य सामान्य बढेको छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ९० हजार ६ सय रुपैयाँ कायम भएको छ। आइतबारको तुलनामा सुनको मूल्य आज १ सय रुपैयाँले घटेको हो।

चाँदीको मूल्य भने प्रतितोला पाँच रुपैयाँले बढेको छ। आइतबार प्रतितोला २ हजार १ सय ४५ रुपैयाँमा कारोबार भएको चाँदी सोमबार २ हजार १ सय ५० रुपैयाँमा पुगेको छ।

अन्तर्राष्ट्रिय बजारमा भने आज सुनको मूल्य प्रतिऔंस ३३११ अमेरिकी डलरमा कारोबार भइरहेको महासंघले जनाएको छ।