हिमाल प्रेस 
काठमाडौँ- संखुवासभामा यार्सागुम्बासहित एक जना पक्राउ परेका छन्। पक्राउ पर्नेमा जुम्लाको सिंजा गाउँपालिका-३ का ऐनबहादुर शाही रहेका जिल्ला प्रहरी कार्यालय संखुवासभाले जनाएको छ।
हिजो खाँदबारी-३ सुमनचौकमा जाँच गर्ने क्रममा लुकाइछिपाइ ल्याएको एक किलो ६ सय ७० ग्राम अवैध यार्सागुम्बासहित शाहीलाई पक्राउ गरिएको जिल्ला प्रहरी कार्यालयका प्रहरी निरिक्षक अभिशेककुमार श्रेष्ठले जानकारी दिए।
पक्राउ परेका शाहीलाई प्रहरीले थप अनुसन्धान र कारबाहीका लागि डिभिजन वन कार्यालयमा बुझाएको छ।
प्रकाशित: २१ जेठ २०८२ १०:३८
प्रतिक्रिया
