आईपीएल ; मुम्बई दोस्रो क्वालिफायरमा, बाहिरियो गुजरात

काठमाडौँ- इन्डियन प्रिमियर लिग (आईपीएल) क्रिकेटको मंगलबार भएको इलिमिनेटर खेलमा गुजरात टाइटन्सलाई हराउँदै मुम्बई इन्डियन्स दोस्रो क्वालिफायरमा पुगेको छ ।

पञ्जाबको न्यू चण्डिगढमा भएको खेलमा मुम्बईले गुजरातलाई २० रनले हरायो। अब फाइनलमा पुग्न मुम्बईले दोस्रो क्वालिफायरमा पन्जाब किंग्ससँग खेल्नेछ।

टस जितेर पहिला ब्याटिङ गरेको मुम्बईले निर्धारित २० ओभरमा ५ विकेट गुमाएर दुई सय २८ रन बनाएको थियो ।

उसका रोहित शर्माले सर्वाधिक ८१ रन बनाए। जोनी ब्रेयस्ट्रोले ४७ रन जोडे । गुजरातका साई किशोर र प्रसिद्ध कृष्णाले समान दुई तथा मोहम्मद सिराजले एक विकेट लिए।

जीतका लागि दुई सय २९ रनको लक्ष्य पछ्याएको गुजरातले २० ओभरमा ६ विकेट गुमाएर दुई सय ८ रन बनायो। साई सुदर्शनले सर्वाधिक ८० रन बनाएपनि टोलीको हार टार्न सकेनन् । वासिङ्गटन सुन्दरले ४८ रन जोड ।

मुम्बईका ट्रेन्ट बोल्डले दुई, अश्विनी कुमार, जसप्रित बुमराह, रिचार्ड गिल्सन र मिचेल स्यान्टेनरले समान एकरएक विकेट लिए।

दोस्रो क्वालिफायरको खेल भोलि हुनेछ। विजेता टोलीले उपाधिका लागि मङ्गलवार रोयल च्यालेन्जर्स बेंगलुरु (आरसीबी) सँग खेल्नेछ।