प्लेअफ पुगेको आरसीबीको फितलो प्रदर्शन, हैदरावादको जित

काठमाडौँ- इन्डियन प्रिमियर लिग (आईपीएल)मा सनराइजर्स हैदरावादले रोयल च्यालेन्जर्स बैंगलुरु(आरसीबी)लाई ४२ रनले पराजित गरेको छ।

सनराइजर्सले दिएको २३२ रनको लक्ष्य पछाएको बैंगलुरुले १९ दशलमव ५ ओभरमा अल आउट हुँदै १८९ रन बनाएको थियो। बैंगलुरुका लागि फिल साल्टले सर्बाधिक ६२ रन बनाए भने विराट कोहलीले ४३ रन बनाएर आउट भए।

सनराइजर्सका बलर प्याट कमिन्सले ३ विकेट लिए भने इशान मालिंगाले २ विकेट झारे। यसअघि पहिला ब्याटिङ गरेको सनराइजर्सले २० ओभरमा ६ विकेट गुमाउदै २३१ रन बनाएको थियो।​

सनराइजर्सका लागि इशान किशनले सर्वाधिक ९४ रन बनाएका थिए भने अभिषेक शर्माले ३४ रन बनाएका थिए। प्लेअफको दौडबाट बाहिरिएको सनराइजर्सको १३ खेलमा ११ अंक भएको छ भने आठौ स्थानमा रहेको छ।

हारपछि रोयल च्यालेन्जर्स बैंगलुरु भने तेस्रो स्थानमा झरेको छ। बैंगलुरुको १३ खेलमा १७ अंक रहेको छ।