हिमाल प्रेस 
पूर्वप्रधानमन्त्री डा.बाबुराम भट्टराई। फाइल तस्बिर।
काठमाडौँ- नेपाल समाजवादी पार्टी (नयाँ शक्ति) अध्यक्ष तथा पूर्वप्रधानमन्त्री डा. बाबुराम भट्टराईले बुद्धले दिएको सत्य,अहिंसा,करुणा र मध्यमार्गको मार्गदर्शन विश्व र नेपालजस्ता बहुसांस्कृतिक, बहुभाषिक र बहुधार्मिक समाजका लागि अझ सान्दर्भिक र प्रेरणादायी रहेको उल्लेख गरेका छन्।
गौतम बुद्धको जयन्तीको अवसरमा आज शुभकाना दिँदै अध्यक्ष डा.भट्टराईले भनेका छन्,‘२०७८औँ बुद्ध जयन्तीको अवसरमा गौतम बुद्धप्रति श्रद्धासहित नमन गर्दै सम्पूर्ण नेपाली दाजुभाइ तथा दिदीबहिनीहरूमा शान्ति,सहिष्णुता र समृद्धिको हार्दिक शुभकामना व्यक्त गर्दछु।’
अहिलेको चुनौतीपूर्ण समयमा सामाजिक सद्भाव,सहिष्णुता,वैज्ञानिक सोच र विवेकशील नेतृत्वको आवश्यकता दिनानुदिन बढिरहेको सन्दर्भमा उल्लेख गर्दै बुद्धका शिक्षाहरू हाम्रा मार्गदर्शक बन्न सकून् भन्ने कामनासमेत गरेका छन्।
बुद्धजयन्तीले सबैमा मानवता, समानता र न्यायप्रतिको प्रतिबद्धता थप सुदृढ हुने उनको विश्वास छ।
