युद्धविराम घोषणापछि पहिलोपल्ट भारत र पाकिस्तानबीच वार्ता हुँदै

युद्धविराम घोषणापछि पहिलोपल्ट भारत र पाकिस्तानबीच सोमबार (आज) वार्ता हुँदैछ। भारतको विदेश मन्त्रालयकाअनुसार सोमबार मध्याह्न १२ बजे दुई देशका सैन्य उच्चाधिकारीसहित वार्ता तय भएको छ । वार्ताको नेतृत्व भारतका सैन्य अपरेसन महानिर्देशक र पाकिस्तानका सैन्य अपरेसन महानिर्देशकले गर्ने छन् ।

दुई साताअघि जम्मु कास्मिरको पहलगाममा भएको आतंककारी आक्रमणपछि भारतले गरेको जवाफि कारवाहीपछि युद्धमा उत्रिएका भारत र पाकिस्तानले तनावकै बीच शनिबार युद्धविराम घोषणा गरेका थिए ।

भारत-पाकिस्तानबीच लामो समयदेखि जम्मु कास्मिर क्षेत्रलाई लिएर टकराव चल्दै आएको छ । योपटक युद्धमै उत्रिएका दुई देशलाई मानवीय क्षति हुने संघर्षमा नजान विभिन्न मुलुकले आग्रह गर्दै आएका थिए ।