हिमाल प्रेस 
काठमाडौँ- ट्रक पल्टिएर अवरुद्ध मुग्लिन–नारायणगढ सडक एकतर्फी खुलेको छ। चितवनको इच्छाकामना गाउँपालिका–५ तुइनखोलामा बिहान ७ बजेतिर पल्टिएको ट्रक हटाउन झन्डै तीन घण्टा लागेको थियो।
क्रेनको सहायतामा पल्टिएको ट्रक पन्छाएको र सडक एकतर्फी खुलेको इलाका प्रहरी कार्यालय मुग्लिनका प्रहरी निरीक्षक प्रतिक सिंहले जानकारी दिए।
मधेश प्रदेश ०३–००१ ख ९८१७ नम्बरको कोइला बोकेको ट्रक बिहान सडकमै पल्टिँदा गाडी रोकिएका थिए। सडक खुलेसँगै रोकिएका गाडी र यात्रु अहिले गन्तब्यतर्फ लागेका छन् ।
प्रकाशित: २८ वैशाख २०८२ ११:२०
प्रतिक्रिया
