हिमाल प्रेस 
सगरमाथा शिविरमा डोरी टाँग्न खटिएको टोली।
तस्बिर स्रोत : एटके एक्सपेडिसन्स प्रालि
काठमाडौँ– यस वर्षको आरोहण याम सुरु भएसँगै शुक्रबार सात जना शेर्पा सगरमाथा शिखरमा पुगेका छन्।उनीहरू यस वर्षको आरोहणका लागि डोरी टाँग्दै (रोप फिक्सिङ) साँझ ५ः०० बजे शिखरमा पुगेको पर्यटन विभागका निर्देशक लीलाधर अवस्थीले जानकारी दिए।
विभागका अनुसार ‘एटके एक्सपीडिसन’ अन्तर्गत खटिएका शेर्पाहरूले डोरी टाँग्ने काम सम्पन्न गरेका हुन्।
अशोक लामाले नेतृत्व गरेको टिममा छिरिङ पेम्बा शेर्पा, पेम नुर्बु शेर्पा, टासी शेर्पा, कर्मा ग्याल्जेन शेर्पा, टासी ग्याल्जेन शेर्पा र पासतेन्जी शेर्पा रहेका छन्।
‘सगरमाथाको चुचुरमा डोरी टाँग्ने काम सम्पन्न भएसँगै यस वर्षको सगरमाथा आरोहण औपचारिक रूपमा सुरु भएको छ। अब अरु आरोही पनि मौसम अनुकूलता हेरेर शिखरतर्फ लाग्ने छन्,’ निर्देशक अवस्थीले भने।
प्रकाशित: २६ वैशाख २०८२ १९:३३
प्रतिक्रिया
