हिमाल प्रेस 
काठमाडौं– अण्डर–१९ साफ च्याम्पियनसिपमा सहभागी हुन नेपाली टोलि मंगलबार भारत प्रस्थान गरेको छ।
च्याम्पियनसिप भारतको अरुणाचल प्रदेशस्थित युपियाको गोल्डेन जुबिली रंगशालामा वैशाख २६ देखि जेठ ४ सम्म सञ्चालन हुनेछ।
प्रतियोगितामा पाकिस्तानबाहेक दक्षिण एसियाका ६ राष्ट्र सहभागी हुनेछन्। समूह ‘बी’ मा नेपालसँगै घरेलु टोली भारत र श्रीलंका रहेका छन्। समूह ‘ए’ मा माल्दिभ्स, भुटान र बंगलादेश रहेका छन्।
नेपालले श्रीलंकाविरुद्धको खेलबाट प्रतियोगीताको सुरुवात गर्नेछ भने जेठ ३० मा भारतसँग प्रतिस्पर्धा गर्नेछ।
दुवै समूहबाट उत्कृष्ट दुई टोली सेमिफाइनलमा प्रवेश गर्नेछन् । सेमिफाइनलका दुवै खेल जेठ २ मा हुनेछ। फाइनल खेल भने जेठ ४ मा खेलिनेछ।
यो दक्षिण एसियाली क्षेत्रअन्तर्गतका पुरुष १९ वर्ष मुनिका टोलीहरूको प्रतियोगिताको सातौँ संस्करण हो। भारतले सन् २०१९, २०२२ र २०२३ मा उपाधि जित्दै सबैभन्दा सफल टोली बनेको छ। नेपालले २०१५ र २०१७ मा उपाधि जितेको छ भने बंगलादेश सन् २०२४ को विजेता हो।
नेपाली उर्जन श्रेष्ठको प्रशिक्षणमा प्रतियोगितामा सहभागी हुँदैछ।
नेपाली टोली :
गोलकिपरहरू : भक्तबहादुर परियार, उपेन्द्र ल्वागुन, विशाल बानिया
डिफेन्डरहरू : रोशन तामाङ, रोहन मोक्तान, प्रशान्त मोक्तान, कुषाङ नेम्बाङ, मदन पौडेल, राम थापा, विजय उर्वा, सिद्धान्त खड्का
मिडफिल्डरहरू : कृष्णबहादुर आले, क्रिश थापा मगर, सरोज दरलामी, लछु थापा, सबिन कुमार लुङेली मगर, रञ्जित लामा, सुभाष बम, विज्ञान खड्का
फरवार्डहरू : पवन पाख्रिन, धर्मेन्द्र कुँवर, सुजन डंगोल, प्रसुन तामाङ
