हिमाल प्रेस 
काठमाडौँ- हरिलाल भट्टराईको शब्दमा ‘गाउँ भैगया खाली’ बोलको डेउडा ठाडी भाका सार्वजनिक भएको छ। गीतमा भुवन दाहाल र डिक्रा वादीको स्वर दिएका छन्। धर्मराज भट्टराईको संगीत भरेको गीतमा कृष्णा बाजुरेलीको संगीत संयोजन छ।
गीतले युवापुस्ता विदेसिनाले गाउँ खाली भएको अवस्थाको चित्रण गरेको छ। रचनाकार भट्टराईले गीत गाउँ र घर कुरेर बसिरहेकी आमाको तर्फबाट लेखेको बताए। गीत पनि सन्तान कुरेर बसेका तीनै आमाप्रति समर्पित गरेको उनको भनाइ छ।
मनिशा रावल र दिनेश एडीले अभिनय गरेको गीतको भिडियो सुरज थापाको छायांकन, थापा कमल विवेकको निर्देशन र सम्पादनमा बनेको छ।
गीत एचएस हार्मोनी युट्युब च्यानलबाट सार्वजनिक गरिएको हो।
यस्तो छ गीत
प्रकाशित: २२ वैशाख २०८२ १२:२२
प्रतिक्रिया
