प्रतिनिधिसभा : भूमिसम्बन्धी विधेयक सदनमा पेस गर्दै सरकार

काठमाडौँ- संघीय संसद् अन्तर्गत दुवै सदनको बैठक बुधबार बस्दैछ। प्रतिनिधिसभाको बैठक बिहान ११ बजेलाई तय गरिएको छ।

प्रतिनिधिसभा बैठकमा भूमिसम्बन्धी केही नेपाल ऐनलाई संशोधन गर्ने विधेयक २०८२ लाई प्रस्तुत गर्न अनुमति माग्ने प्रस्तावमाथि सांसद प्रेम सुवालबाट प्राप्त विरोधको सूचनालाई निर्णयार्थ पेस गर्ने कार्यसूची छ।

त्यस्तै भूमि व्यवस्था, सहकारी तथा गरिबी निवारण बलराम अधिकारीले भूमिसम्बन्धी केही नेपाल ऐनलाई संशोधन गर्ने विधेयक २०८२ प्रस्तुत गर्ने कार्यसूची छ। यसअघि पनि अध्यादेशका रूपमा यो ऐन सदनमा लगिएको थियो। तर विवाद निस्किएपछि पारित हुन सकेन।

प्रतिनिधिसभामा विनियोजन विधेयकका सिद्धान्त र प्राथमिकता (कर प्रस्ताव बाहेक) माथि छलफल जारी रहने संसद् सचिवालयले जानकारी दिएको छ।