हिमाल प्रेस 
पूर्वप्रधानमन्त्री झलनाथ खनाल। फाइल तस्बिर
काठमाडौँ- पूर्वप्रधानमन्त्री झलनाथ खनालले भारतले नेपाली भूमि मिचेर नेपाल-भारत सीमा क्षेत्रको महाकाली नदीको किनारामा तटबन्ध बनाउन लागेको विषयप्रति सरकारले कदम बढाउन अनुरोध गरेका छन्।
उनले विज्ञप्तिमार्फत सीमा क्षेत्रमा करिब ४० रोपनी नेपालको भूभाग महाकाली नदी पारी समेत पुगेको र भारतले एक एकलौटी ढंगले कब्जा गरेर भारतीय पक्षले त्यो भूभागमा तटबन्ध बनाइरहेको कुरा स्मरण गराएका छन्।
उनले सोही भूमिमा नेपालकै नाप नक्सा रहेको दाबी गर्दै दार्चुलाको खलंगास्थित आम जनता र स्थानीय जिल्ला प्रशासनले समेत उक्त भूभाग नेपालको हो भन्दाभन्दै भारतीय पक्षले नेपाली भूभागलाई कब्जै गरेको बताएका छन्।
प्रकाशित: १० वैशाख २०८२ ९:३९
प्रतिक्रिया
