हिमाल प्रेस 
काठमाडौँ– बाराको पथलैया–निजगढ सडकखण्डमा कार र टिपर ठोक्किँदा दुई जनाको मृत्यु भएको छ। दुर्घटनामा कारमा सवार दुई जनाको मृत्यु भएको हो।
मृत्यु हुनेमा सर्लाही बरहथवा नगरपालिका–१५ हजारियाका ४६ वर्षीय नारायणहरि शर्मा र कार चालक सर्लाही सुन्दरपुर–४ बस्ने जितनारायण साह रहेको प्रहरीले जनाएको छ।
पथलैयाबाट निजगढतर्फ जाँदै गरेको बा ०१–०२५ च ५०७६ नम्बरको कार र पश्चिमतर्फ आउँदै गरेको प्रदेश २–०३–००१ ख ०६०७ नम्बरको टिपर पथलैथा–निजगढ सडकखण्डको १३ किलोमा ठोक्किएको थियो।
दुर्घटनामा कारको अघिल्लो भाग पूर्णरूपमा क्षतिग्रस्त भएको छ भने टिपर सडक छेउमा पल्टिएको छ। घटनालगत्तै फरार भएका टिपर चालकको खोजी भइरहेको जिल्ला प्रहरी कार्यालय बाराका प्रवक्ता डीएसपी विजयराज पण्डितले जानकारी दिए।
प्रकाशित: ५ वैशाख २०८२ १८:१५
प्रतिक्रिया
