हिमाल प्रेस 
दुर्गा प्रसाईं । फाइल तस्बिर
काठमाडौँ- नेपाल प्रहरीले केही दिनयता फरार रहेका दुर्गा प्रसाई झापाबाट पक्राउ परेको जानकारी दिएको छ।
नेपाल प्रहरी प्रधान कार्यालय प्रहरी महानिरीक्षकको सचिवालयले प्रेस विज्ञप्ति जारी गर्दै प्रसाई र उनका अंगरक्षक दीपक खड्का पक्राउ परेको जानकारी दिएको हो। प्रहरी प्रवक्ता एवं प्रहरी नायव महानिरीक्षक दिनेशकुमार आचार्यले निकालेको विज्ञप्तिमा गत चैत १५ गते तीनकुनेको हिंसात्मक प्रदर्शनमा संलग्न रहेको कसुरमा उनीहरूलाई पक्राउ गरिएको हो।
उनीहरूविरुद्ध राज्यविरुद्ध र संगठित अपराधसम्बन्धी मुद्दा दायर भएको छ। प्रसाई बिहीबार भारतको आसममा पक्राउ परेका हुन्। उनलाई आजै नेपाल ल्याइएको छ भने केहीबेरमा काठमाडौँ अवतरण गराइदैछ। तीनकुनेको गत चैत १५ को घटनापछि प्रसाई फरार थिए।
प्रकाशित: २९ चैत २०८१ ११:३०
प्रतिक्रिया
