हिमाल प्रेस 
काठमाडौँ- जाजरकोट केन्द्र भएर गत शुक्रबार गएको भूकम्पबाट ८ जना घाइते भएका छन्। जाजरकोटको कुसे गाउँपालिका–९ पैंकमा केन्द्रविन्दु बनाएर शुक्रबार गएराति गएको ५.२ म्याग्निच्युड र ५.५ म्याग्निच्युडका दुईवटा भूकम्पमा परी आठजना घाइते भएका हुन्।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले अहिलेसम्म सम्बन्धित जिल्ला प्रशासन कार्यालय तथा राष्ट्रिय आपत्कालीन कार्यसञ्चालन केन्द्रबाट प्राप्त विवरणअनुसार भूकम्पमा परी रुकुमपश्चिममा दुई र जाजरकोटमा ६ जना घाइते भएको जनाएको छ।
प्राधिकरणका प्रवक्ता रामबहादुर केसीले जाजरकोट, रुकुमपश्चिम र कालीकोट जिल्लाका केही निजी आवास तथा सरकारी भवनहरुमा सामान्य चिरा परेको एवं भवनहरु चर्किएको विवरण आएको बताए।
प्रकाशित: २४ चैत २०८१ ७:५३
प्रतिक्रिया
