हिमाल प्रेस 
काठमाडौँ- विश्व हिन्दु महासंघले श्रीराम जन्मोत्सव (रामनवमी) संस्थाको ४५औं स्थापना दिवस तथा हिन्दु एकता दिवस एकैसाथ भव्य रूपमा मनाउने भएको छ। नेपाल ऋषि प्राडा जगन्नाथको प्रमुख आतिथ्यमा कार्यक्रम आयोजना गरिने भएको हो।
महासंघले सार्वजनिक गरेको कार्यक्रम तालिकाअनुसार, चैत २४ गते आइतबारका दिन बिहान ९:३० बजे चावहिल गणेशस्थानबाट धार्मिक शोभायात्रा सुरु हुनेछ। त्यसपछिको मुख्य धार्मिक सभा दिउँसो ११:३० बजे सुकेधारास्थित नवदुर्गा पार्टी भेन्युमा हुनेछ।
रामनवमी हिन्दु धर्मालम्बीका लागि विशेष धार्मिक पर्व हो, जसमा भगवान श्रीरामको जन्मोत्सवको रूपमा श्रद्धा, भक्ति र उत्साहसाथ मनाइन्छ।
विश्व हिन्दू महासंघले यस अवसरमा धार्मिक चेतना, सांस्कृतिक पहिचान तथा हिन्दू एकता प्रवर्द्धन गर्ने उद्देश्यले कार्यक्रम आयोजना गर्न लागेको जनाएको छ।
महासंघकी अध्यक्ष अस्मिता भण्डारीका अनुसार कार्यक्रममार्फत धार्मिक मूल्यमान्यता र सनातन परम्पराको प्रवर्द्धन गर्न सकिने विश्वास लिइएको छ।
