‘झिल्को’ को गीत ‘नाच पुतली’

हिमाल प्रेस २२ चैत २०८१ १५:३४
12
SHARES
‘झिल्को’ को गीत ‘नाच पुतली’

काठमाडौँ- फिल्म ‘झिल्को’ को गीत ‘नाच पुतली’ सार्वजनिक भएको छ। शाहिमा श्रेष्ठको स्वर रहेको गीतमा आनन्द अधिकारीको शब्द, दिपक शर्माको संगीत छ।

भिडियोमा दुखी बालिकालाई फकाउँदै उसलाई खुसी बनाउने प्रयास गरिएको देखिन्छ। गीतको भिडियोमा आश्मा विश्वकर्मा र चाहना पुनको नृत्य देख्न सकिन्छ। गीतमार्फत नै उनीहरू दुखी रहेकी बालिका आयुषी ढकाललाई फकाउँदै खुसी बनाउने प्रयास गरिरहेका छन्।

फिल्म आगामी वैशाख १९ देखि प्रदर्शन हुनेछ। फिल्ममा अहिलेको पुस्तामा बढ्दो डिजिटल निर्भरता र त्यसले पार्ने मनोवैज्ञानिक, सामाजिक तथा पारिवारिक असरलाई उजागर गएिको निर्देशक यादव कुमार भट्टराईले बताए।

उनका अनुसार फिल्ममा मोबाइलको अत्यधिक प्रयोगका कारण सम्बन्धमा आउने दरार, व्यक्तिहरूबीचको दूरी, र वास्तविक जीवनभन्दा डिजिटल संसारमै गुम्सिँदै गएका पात्रहरूको कथा देखाइएको छ।

फिल्मको कथा र पटकथा निर्देशक भट्टराईसहित अरुणदेव जोशी र देव व्रतको संयुक्त लेखन छ। फिल्ममा आयुषी ढकाल, सुनिल पोखरेल, वर्षा शिवाकोटी, विशाल पोखरेल, भोलाराज सापकोटा, जेनिश श्रेष्ठ, जेभिश श्रेष्ठको अभिनय छ। दीपक बज्राचार्यले छायांकन गरेको फिल्म निमेष श्रेष्ठको सम्पादनमा बनेको छ। फिल्ममा मिडिया फर कल्चरको प्रस्तुति छ।

निर्देशन भट्टराईले यसअघि सुपर हिट फिल्म ‘झोला’, ‘भोर’ निर्देशन गरिसकेका छन्।

प्रकाशित: २२ चैत २०८१ १५:३४

प्रतिक्रिया

Leave a Reply

Your email address will not be published. Required fields are marked *

7 + 17 =


© Nepali horoscope

© Gold Price Nepal

© Nepal Exchange Rates
© Nepal weather forecast