हिमाल प्रेस 
काठमाडौँ- चैतको चौथो शनिबार। केही समय यता हामीले साताको प्रत्येक शनिबार उपत्यकामा हुने र भइरहेका मनोरञ्जनात्मक गतिविधिहरुको विवरण संकलन गर्दै आइरहेका छौँ। जो फुर्सदमा हुनुहुन्छ उहाँहरुको लागि बिदाको दिन सदुपयोग गर्दै केही सिक्ने र बुझ्ने मौका मिल्न सक्छ।
यो साता हलमा ‘वसन्त’, ‘अञ्जिला’, ‘लाज शरणम्’, चलिरहेको छ। यसबाहेक केही हिन्दी र अंग्रेजी फिल्मको पनि चलिरहेकाे छ। त्यस्तै साहित्यमा रुची हुनेका लागि गजलकार राज सिग्देलको एकल गायन पनि हुनेछ।
विस्तृतमा हेरौं कहा केके हुँदैछ?
राज सिग्देलको एकल गजल गायन-२०८१
थापागाउँस्थित मण्डला थिएटरमा बिम्ब उत्सवको रुपमा गजलकार, संगीतकार तथा गायक राज सिग्देलको एकल गजल साँझ हुँदैछ। दिउँसो ३ बजेदेखि सुरु हुने कार्यक्रममा आदर्श पौडेल, कृष्ण पराजुली, तीर्थराज पोखरेल, सुरेश गैरे, एलिया सुनुवार, राज सागर लगायत चर्चित संगीतकारहरुले प्रस्तुति दिनेछन्। कार्यक्रकमको वाध्यबाधनमा शम्भु बानियाँ, केशव वादी, नगेन्द्र राई, जगन्नाथ धौगोडा र अनिल शाही वाध्यबाधनमा रहनेछन्। कार्यक्रम बिम्ब आर्टसले आयोजना गरेको हो।
मण्डलामा नाटक ‘अर्को एउटा द्रोणाचार्य’
मण्डला थिएटरमै चैत २१ देखि नाटक ‘अर्को एउटा द्रोणाचार्य’ मञ्चन भइरहेको छ। नाटकका निर्देशक उमेश तामाङ हुन्।भारतीय लेखक डा.शङ्खर शेषको नाटक एक और द्रोणाचार्य’मा आधारित छ। सम्राट भुजेल र श्रीशेषले नाटकको नेपालीमा अनुवाद गरेका छन्। कोषा आर्टस थिएटरको प्रस्तुति रहेको नाटकमा उमेश सुनाम, कृतिका बस्नेत, आवाश भट्टराई, अर्जुन दुलाल, सनम श्रेष्ठ, भूपि। रोशन, श्रीशेष श्रेष्ठ, दीपेश गजुरेल, प्रेमदेव विश्वकर्मा, स्वर्णिम चापागाईं र सम्राज भुजेलको अभिनय छ। नाटक वैशाख ७ सम्म मञ्चन हुनेछ।
हलमा कुन कुन फिल्म?
वसन्त
फिल्म ‘वसन्त’ चैत २२ देखि प्रदर्शन भइरहेको छ। फिल्मका लेखक तथा निर्देशक प्रकाश सपुत हुन्। प्रकाशकै मुख्य भूमिका रहेको फिल्ममा स्वस्तिमा खड्का प्रभात पाल ठकुरी, श्री शिभान्सी, उर्मिला लाम्गादे, खड्ग बहादुर पुन (खबपु), अनुप बराल, कमलमणि नेपाललगायत कलाकारको अभिनय छ।
फिल्ममा विपन्न विश्वकर्मा समुदायका छोराको लेखक बन्ने सपना र लक्ष्य हासिल गर्न उसले गर्ने संघर्षको कथा प्रस्तुत गरिएको छ।
शनिबार उपत्यकाको क्युएफएक्स सिनेमाअन्तर्गत राइजिङ मल, लबिम मल, सिटी स्क्वायर मल, सिभिल मल, दरबार सिनेम्याक्स, छाया सेन्टर, भाटभटेनी भक्तपुरमा फिल्मको ३० सो छ।
आईएनआई सिनेमाअन्तर्गत लोत्से मल र एनबी सेन्टर, वान सिनेमाजअन्तर्गत आइप्लेक्स मल र कालीमाटी ट्रेड सेन्टर, एफक्युब सिनेमाज, बिग मुभिज, सिके सिनेमाज, बिएसआर मुभिज, विश्वज्योति हल, सिडिसी सिनेमाज, सिटी सिनेमाज, कीर्तिपुर सिनेप्लेक्स फिल्म ‘वसन्त चलिरहेका अन्य हल हुन्।
अ माइनक्राफ्ट मुभि
अंग्रेजी फिल्म ‘अ माइनक्राफ्ट मुभि’ नेपालमा चैत २२ देखि प्रदर्शन भइरहेको छ। एक्सन, कमेडी र एडभेन्चर जनरामा बनेको फिल्मका निर्देशक जारेड हेस हुन्। फिल्ममा जेनिफर कूलिज, जेसन मोमोआ, एम्मा मायर्सलगायत कलाकारको अभिनय छ।
शनिबार उपत्यकाको क्युएफएक्स सिनेमाअन्तर्गत राइजिङ मल, सिटी स्क्वायर मल, दरबार सिनेम्याक्स, भाटभटेनी भक्तपुर, लबिम मल, छाया सेन्टर र सिभिल मलमा फिल्मको ९ सो छ। वान सिनेमाजअन्तर्गत आइप्लेक्स मल र कालीमाटी ट्रेड सेन्टर, आईएनआई सिनेमाअन्तर्गत एनबी सेन्टर, आईएनआई सिनेमाअन्तर्गत लोत्से मल र एनबी सेन्टर, एफक्युब सिनेमाज, बिग मुभिज, सिके सिनेमाज, रञ्जना सिनेप्लेक्स, बिएसआर मुभिज, सिडिसी सिनेमाजमा फिल्म ‘अ माइनक्राफ्ट मुभि’ चलिरहेको छ।
सिकन्दर
बलिउड फिल्म ‘सिकन्दर’ चैत १७ देखि हलमा प्रदर्शन भइरहेको छ। फिल्ममा अभिनेता सलमान खान र अभिनेत्री रश्मिका मन्दाना मुख्य भूमिकामा छन्। फिलमका निर्देशक एआर मुरुगादास हुन्। फिल्म एकसन जनरामा बनेको छ।
शनिबार उपत्यकाको क्युएफएक्स सिनेमाअन्तर्गत राइजिङ मल, सिभिल मल, लबिम मल, सिटी स्वायर मल, छाया सेन्टर, भाटभटेनी भक्तपुर र दरबार सिनेमाजमा फिल्मको २६ सो छ। वान सिनेमाजअन्तर्गत आइप्लेक्स मल र कालीमाटी ट्रेड सेन्टर, आईएनआई सिनेमाअन्तर्गत लोत्से मल र एनबी सेन्टर, एफक्युब सिनेमाज, बिग मुभिज, सिके सिनेमाज, रञ्जना सिनेप्लेक्स, बिएसआर मुभिज, विश्वज्योति हल, सिडिसी सिनेमाज, सिटी सिनेमाजमा फिल्म ‘सिकन्दर’ प्रदर्शन भइरहेको छ।
स्नो ह्वाइट
हलिउड फिल्म ‘स्नो ह्वाइट’ नेपालमा चैत ८ देखि प्रदर्शन भइरहेको छ। मार्क वेबको निर्देशनमा बनेको फिल्म राजकुमारीले सेनासँग मिलेर सौतेनी आमाको क्रूरबाट मुक्त हुन गरेको साहसिक कथा प्रस्तुत गरिएको छ।
एडभेन्चर, रोमान्स र फ्यामिली जनरामा बनेको फिल्ममा एन्ड्रोयु बर्नाप, राहेल जेग्लर, गल ग्याडोटलगायत कलाकारको अभिनय छ।
शनिबार उपत्यकाको क्युएफएक्स सिनेमाअन्तर्गत राइजिङ मल, छाया सेन्टर र लबिम मलमा फिल्मको ३ सो छ।
अञ्जिला
राष्ट्रिय महिला फुटबल टिमकी कप्तान तथा गोलरक्षक एञ्जिला तुम्बापो सुब्बाको बायोपिक फिल्म हो ‘अञ्जिला’। फिल्ममा उनको बाल्यकाल, खेलप्रतिको सपना, पारिवारिक उतारचढावबीचको संघर्ष र कप्तानसम्म सफलताको कथा देखाइएको छ।
यो फिल्म फागुन २९ देखि हलमा चलिरहेको छ। एञ्जिला स्वयःको अभिनय रहेको फिल्ममा अभिनेता दयाहाङ राई र अभिनेत्री सिर्जना सुब्बा उनका बुवाआमाको भूमिकामा छन्। फिल्मका निर्देशक मिलन चाम्स हुन्।
शनिबार उपत्यकाको क्युएफएक्स सिनेमाअन्तर्गत राइजिङ मल, सिटी स्क्वायर मल, भाटभटेनी भक्तपुर, छाया सेन्टर, सिभिल मल र लबिम मलमा फिल्मको १५ सो छ। आईएनआई सिनेमाअन्तर्गत लोत्से मल र एनबी सेन्टर, वान सिनेमाजअन्तर्गत आइप्लेक्स मल र कालीमाटी ट्रेड सेन्टर, एफक्यूब सिनेमाज, बिग मुभिज, सिके सिनेमाज, सिटी सिनेमाज, रञ्जना सिनेप्लेक्स, बिएसआर मुभिज, विश्वज्योति हल, कीर्तिपुर सिनेप्लेक्स, सिके सिनेमाजमा फिल्म ‘अञ्जिला’ चलिरहेको छ।
आउट लः दफा २१९
फिल्म ‘आउट लः दफा २१९’पनि फागुन २९ देखि हलमा प्रदर्शन भइरहेको छ। एक्सन जनरामा बनेको फिल्ममा सुशिल श्रेष्ठ मुख्य भूमिकामा छन्। फिल्म विक्की महर्जनको लेखन तथा निर्देशनमा बनेको छ।
शनिबार उपत्यकाको रञ्जना सिनेप्लेक्समा फिल्मको एक सो छ।
होस्टेल ३
फागुन २३ देखि हलमा ‘होस्टेल ३’प्रदर्शन भइरहेको छ। फिल्मले पहिलो साता ४ करोड ३२ लाख कमाएको टिमको दाबी छ। होस्टेलकै कथामा बनेको फिल्ममा सबै कलाकार नयाँ छन्। सशान कँडेलको निर्देशित फिल्ममा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली लगायतको अभिनय छ। फिल्ममा युवापुस्ताको क्याम्पस जीवनका संघर्ष, मित्रता र रमाइलो क्षणहरूको कथा देखाइएको छ।
शनिबार उपत्यकाको रञ्जना सिनेप्लेक्समा फिल्मको एक सो छ।
लाज शरणम्
फागुन १४ देखि हलमा फिल्म ‘लाज शरणम्’ चलिरहेको छ। फिल्मका लेखक तथा निर्देशक कुमार कट्टेल हुन्। जेपिटी क्रियसनले निर्माण गरेको फिल्ममा चर्चित टेलिफिल्म ‘सक्किगोनी’का सम्पूर्ण कलाकारको अभिनय छ। त्यसबाहेक सीताराम कट्टेल, विजय बराल, अर्पण थापा, प्रशान्त ताम्राकार, विजय लामा, रामभजन कामत, महेश त्रिपाठीलगायतको पनि अभिनय छ।
शनिबार उपत्यकाको क्युएफएक्स सिनेमाअन्तर्गत भाटभटेनी भक्तपुर र सिभिल मल, आईएनआई सिनेमाअन्तर्गत लोत्से मल र एनबी सेन्टर, वान सिनेमाजअन्तर्गत आइप्लेक्स मल, एफक्युब सिनेमाज, रञ्जना सिनेप्लेक्स, बिएसआर मुभिज, बिग मुभिज, कीर्तिपुर सिनेप्लेक्समा फिल्म ‘लाज शरणम्’ को सो छ।
