हिमाल प्रेस 
काठमाडौँ- अघिल्लो दिन ऐतिहासिक रेकर्ड बनाएको सुनको मूल्यमा शुक्रबार उल्लेख्य गिरावट आएको छ। नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला १ लाख ७६ हजार ४ सयमा झरेको छ।
अघिल्लो दिन यो मूल्य प्रतितोला १ लाख ८० हजार ३ सय थियो। त्यसको तुलनामा शुक्रबार प्रतितोला ३ हजार ९ सय रुपैयाँले घटेको हो।
महासंघले चाँदीको मूल्य भने यथावत् राखेको छ। चाँदीको मूल्य प्रतितोला २ हजार १० रुपैयाँ कायम गरिएको छ।
प्रकाशित: २२ चैत २०८१ ११:०८
प्रतिक्रिया
