हामी शिक्षकका साथमा छौं, माग पूरा गर्न र गराउन प्रतिबद्ध छौं : चन्द्र भण्डारी

काठमाडौँ- सत्तारुढ नेपाली कांग्रेसका सांसद तथा शिक्षा, स्वास्थ्य र सूचना प्रविधि समिति सदस्य डा.चन्द्र भण्डारीले शिक्षकलाई समाजका पहिलो अभिभावक र भविष्य निर्माणकर्ता भएको बताएका छन्।

जारी शिक्षक आन्दोलनमा सहभागिता जनाउँदै डा.भण्डारीले भने, ‘शिक्षक हाम्रो वर्तमान र भविष्यका दर्पण हुन्। कस्तो समाज हामी बनाउन चाहन्छौं। त्यस समाजका पहिलो अभिभावक शिक्षक हुन्। तर आज शिक्षकमा पर्न गएको असुविधा, पेसाप्रतिको असुरक्षा र अपमान समाजको अपमान हो।’

डा.भण्डारीले शिक्षकका जायज माग पूरा गर्न र त्यसका लागि आवश्यक कदम चाल्नका लागि सबै प्रतिबद्ध रहेको स्पष्ट पारे। उनले थपे, ‘हामी शिक्षकका साथमा छौं र शिक्षकका जायज माग पूरा गर्न र गराउन प्रतिबद्ध छौं।’

आन्दोलनको मैदानमा शिक्षकहरूसँग भेट गर्दा आफ्नो नैतिक जिम्मेवारी पनि उनले स्वीकार गरे।