अध्यक्ष सुवेदीले भने- शैक्षिक भ्रमण र तालिमका नाममा सत्ताको चाकडीमा नरमाउनुस्, आन्दोलनमा सहभागी हुनुस्

हिमाल प्रेस २२ चैत २०८१ ७:२९
1.2k
SHARES
अध्यक्ष सुवेदीले भने- शैक्षिक भ्रमण र तालिमका नाममा सत्ताको चाकडीमा नरमाउनुस्, आन्दोलनमा सहभागी हुनुस् नेपाल शिक्षक महासंघ राष्ट्रिय समिति अध्यक्ष लक्ष्मीकिशोर सुवेदी। तस्बिर : हिमालप्रेस

काठमाडौँ- नेपाल शिक्षक महासंघका अध्यक्ष लक्ष्मीकिशोर सुवेदीले शिक्षक कर्मचारीहरूको आन्दोलनमा उत्साहजनक सहभागिता देखिएको बताएका छन्। शुक्रबार बिहान उनले भने,‘ आन्दोलनमा सहभागी हुनु मात्र पर्याप्त छैन,यसको सफलताका लागि तोकिएको अवधिमा आन्दोलनलाई निरन्तर समर्थन दिनुपर्छ।’

सुवेदीले केही शिक्षकहरू शैक्षिक भ्रमण र तालिमका नाममा रमाइरहेको र यसलाई आन्दोलनको अपमान मानिएको बताएका छन्। उनले सबै शिक्षकलाई आन्दोलनमा पूर्ण रूपमा सहभागी हुन र अन्यथा कार्य नगर्न आग्रह गरे।

‘आन्दोलनको मोर्चामा खटिएका साथीहरूको यो समय समर्पण गर्नु महत्त्वपूर्ण छ,’ उनले थपे। साथै, उनले आन्दोलनको सन्देश ‘मेरो आन्दोलन, मेरो सहभागिता’ लाई अंगिकार गरेर आन्दोलनलाई सफल बनाउन सबै शिक्षकलाई एकजुट हुन आह्वान गरे।

सुवेदीले आन्दोलन सफल बनाउन सबैको योगदान आवश्यक रहेको बताए।


प्रतिक्रिया

Leave a Reply

Your email address will not be published. Required fields are marked *

four × 2 =


© Nepali horoscope

© Gold Price Nepal

© Nepal Exchange Rates
© Nepal weather forecast