हिमाल प्रेस 
काठमाडौँ- शिक्षा ऐन अविलम्ब जारी हुनुपर्ने मागसहित बुधबारदेखि आन्दोलनमा रहेका शिक्षक-कर्मचारीका विषयमा सरकारले चाँडै ठोस निर्णय गर्ने जनाएको छ।
बिहीबार साँझ कार्यबाहक प्रधानमन्त्री प्रकाशमान सिंह, गृहमन्त्री रमेश लेखक, शिक्षा, विज्ञान तथा प्रविधिमन्त्री विद्या भट्टराई, शिक्षा, स्वास्थ्य तथा सूचना प्रविधि समिति सभापति अम्मरबहादुर थापालगायत उच्च अधिकारीबीच यस विषयमा छलफल भएको हो।
छलफलपछि गृहमन्त्री लेखकले सरकारले शिक्षकहरूका मागप्रति गम्भीर रहेको बताउँदै चाँडै निर्णय लिइने जानकारी दिए। ‘शिक्षा विधेयक अघि बढाउन सरकार प्रतिबद्ध छ,’ उनले भने, ‘शिक्षकका विषयमा सरकारले अत्यन्त गम्भीरतापूर्वक छलफल गरिरहेको छ र चाँडै ठोस निर्णयमा पुग्छौं।’
शिक्षकहरूले अघि सारेका मागहरू समेटिएर तत्काल ऐन जारी गर्नुपर्ने भन्दै आन्दोलन चर्काइरहेका छन्।
सरकारलाई शिक्षक महासंघको जबाफ : हामी वार्तामा बस्दैनौँ, ऐन नलिईकन फर्कँदैनौँ
