हिमाल प्रेस 
काठमाडौँ– नेपाल प्रज्ञा प्रतिष्ठानले विभिन्न १० जनालाई पुरस्कृत गर्ने निर्णय गरेको छ। प्रत्येक वर्ष प्रदान गरिने यी पुरस्कारको राशि प्रतिपुरस्कार एक लाख रुपैयाँ रहेको प्रतिष्ठानका सदस्य सचिव डा. धनप्रसाद सुवेदीले जानकारी दिए।
२०८१ को प्रज्ञा भाषा पुरस्कार चूडामणि रेग्मीलाई प्रदान गर्ने निर्णय भएको छ। यसैगरी प्रज्ञा सामाजिक शास्त्र पुरस्कार दिल साहनीलाई, प्रज्ञा संस्कृति पुरस्कार डिक बान्तवालाई, प्रज्ञा बालसाहित्य पुरस्कार शारदारमण नेपाललाई प्रदान गर्ने निर्णय गरिएको सुवेदीले बताए।
प्रज्ञा साहित्य (पद्य) पुरस्कार जसरात किरातीलाई, प्रज्ञा साहित्य (पद्य) पुरस्कार कृष्ण धरावासीलाई, प्रज्ञा समालोचना पुरस्कार सुधा त्रिपाठीलाई, प्रज्ञा दर्शन पुरस्कार गोपीरमण उपाध्यायलाई प्रदान गर्ने निर्णय भएको छ। प्रज्ञा अनुवाद पुरस्कार बलराम अधिकारीलाई र प्रज्ञा अनुवाद पुरस्कार भवीलाल लामिछाने (भारत)लाई प्रदान गर्ने निर्णय भएको छ।
