हिमाल प्रेस 
काठमाडौँ– नेपालका लागि स्विटजरल्याण्डका राजदूत डा.डेनिले म्युलीले नेपाली कांग्रेसका पूर्वउपसभापति एवं प्रतिनिधिसभा सदस्य विमलेन्द्र निधिसँग शिष्टाचार भेट गरेकी छन्।
राजदूत म्युलीले बिहीबार मध्यबानेश्वरस्थित निधि निवासमा नेता निधिसँग शिष्टाचार भेटवार्ता गरेकी हुन्।
भेटघाटका क्रममा दुवै देशको आपसी सम्बन्ध र सहयोगका सम्बन्धमा दुवै पक्षले एकअर्काको प्रशंसा गरेको निधिको सचिवालयले जनाएको छ।
उक्त अवसरमा राजदूत म्युलीले नेपालको शान्ति प्रक्रिया र संघीय लोकतान्त्रिक गणतन्त्रात्मक शासन प्रणालीबारे स्वीस सरकारको सहयोग सधैँ रहिरहने प्रतिबद्धता व्यक्त गरेकी थिइन्।
नेता निधिले विगतकालदेखि नै नेपालको द्वन्द्व समाधान, संघीय लोकतान्त्रिक गणतन्त्र र संविधान निर्माणमा स्वीस सरकारको सहयोग र समर्थनको प्रशंसा गर्दै भविष्यमा पनि निरन्तर समर्थनको विश्वास व्यक्त गरे।
भेटघाटमा पूर्वराजदूत एलिजावेथ र स्वीस राजदूतावासका सल्लाहकार छेवांगको पनि उपस्थिति रहेको थियो।
