हिमाल प्रेस 
काठमाडौँ- फिल्म ‘एक्लो’ की अभिनेत्री बेनिशा हमालको क्यारेक्टर पोस्टर सार्वजनिक भएको छ। पोस्टरमा हमाललाई सुन्दरी देखिएकी छन्। उनको क्यारेक्टर नाम क्विन मारा रहेको छ।
साइन्स फिक्सनमा आधारित फिल्मका निर्देशक प्रदीप शाही हुन्। शाहीको यो तेस्रो निर्देशकीय फिल्म हो। लामो समय देखि उनी बेलायत बस्दै आएका छन्।
फिल्मको लण्डनमा पोस्ट प्रोडक्सनको काम भइरहेको छ। फिल्ममा अन्य कलाकार प्रदीप खड्का, विजय लामा, सुनील थापा, दिया पुन, वेनिशा हमाल, दिनेश डिसी, कविता नेपाली, सुरज सिङ ठकुरी, त्रिचु राई, कृष्णभक्त महर्जन, विकास अधिकारी, दिग्गज खत्री, विनोद सुवेदी ‘क्षितिज’, श्रीशेष श्रेष्ठ र बालकलाकार जेमिन श्रेष्ठ र स्योन सविक सिंह लगायत बेलायती अभिनेता जेमी बेकनको अभिनय छ।
फिल्मका निर्माता राजु कुमार गुरुङ, हरि श्रेष्ठ, विष्णु तामाङ, उत्सव विष्ट, भाइराजा थापा, नवीन सिवा, बागवीर पुन हुन्। बाबु श्रेष्ठको छायांकन रहेको फिल्ममा राजु तामाङको द्वन्द्व निर्देशनमा बनेको छ।
