हिमाल प्रेस 
फाइल तस्बिर
काठमाडौँ- मधेश केन्द्रित दलहरूको मोर्चा ‘संघीय लोकतान्त्रिक मधेशी मोर्चा’मा अशोक राई नेतृत्वको जनता समाजवादी पार्टी (जसपा) नजाने भएको छ। आजै ३ बजे ‘संघीय लोकतान्त्रिक मधेशी मोर्चा’ घोषणा हुन लागेको मोर्चामा राई नेतृत्वको जसपा नजाने भएको हो।
जसपा उपेन्द्र यादव नेतृत्वको जसपा नेपालबाट विभाजन भएको हो। प्रतिनिधिसभामा जसपाको ७, जसपा नेपालका ५ सांसद छन्। मधेश केन्द्रित दलहरूको मोर्चामा तेस्रो स्थानमा रहेको जसपा नेपालबाट नेतृत्व लिने भएपछि किचलो उत्पन्न भएको हो ।
मोर्चाको उद्देश्य स्पष्ट नभएका कारण अस्वीकार गरेको जसपाका महासचिव महोम्मद इस्तियाक राई बताउँछन्। जसपाले मोर्चाभित्र रहेको ठूलो दलले नेतृत्व गर्नुपर्ने र त्यसो हुन नसके आलोपालोको प्रस्ताव राखेको थियो। जसपाले राखेको प्रस्ताव अस्विकार गरेपछि उक्त दल सहभागी नहुने भएको हो।
मोर्चामा जसपा, जनमत, जसपा नेपाल, नागरिक उन्मुक्ति, लोसपा, राष्ट्रिय मुक्ति पार्टी, जनता प्रगतिशील र तमलोपा छन्।
