हिमाल प्रेस 
इन्डियन प्रिमियर लिग (आईपीएल २०२५) को खेलमा रोयल च्यालेन्जर्स बैंग्लोर(आरसीबी)विरुद्ध ब्याटिङ गर्दै गुजरात टाइटन्सका जोस बटलर।
काठमाडौँ- इन्डियन प्रिमियर लिग (आईपीएल)मा गुजरात टाइटन्सले रोयल च्यालेन्जर्स बैंग्लोर (आरसीबी)लाई हराएको छ।
बुधबार राति सम्पन्न खेलमा गुजरातले रोयल च्यालेन्जर्स बैंग्लोरलाई ८ विकेटले पराजित गर्दै अंक तालिकामा २ अंक जोडेको हो। गुजरातले लगातार दोस्रो जित दर्ता गर्दा आरसीबीले भने आईपीएलमा पहिलो हार व्यहोरेको छ।
आरसीबीले दिएको १७० रनको लक्ष्य गुजरातले १७.५ ओभरमा २ विकेटको क्षतिमा भेट्टायो। गुजरातको जितमा जस बटलर ७३ र सेरफाने रुदरफोर्ड ३० रनमा अविजित रहे।
ओपनर साइ सुदर्शन ४९ र कप्तान शुभमन गिल १४ अंकमा क्याच आउट भए। त्यसअघि बैग्लुरुमा गुजरातले टस जितेर फिल्डिङ रोजेपछि ब्याटिङ गरेको आरसीबीले निर्धारित २० ओभरमा ८ विकेटको क्षतिमा १ सय ६९ रनको योगफल तयार पार्यो।
आरसीबीका लागि लियाम लिभिङस्टोनले बनाएको ५४ रन नै सर्वाधिक रह्यो। जितेश र्माले ३३ र टिम डेविडले ३२ रन थपे। फिल साल्टले १४ र कप्तान रजतले १२ रन बनाए। गुजरातका लागि मोहम्मद सिराजले ४ ओभरमा १९ रन खर्चेर ३ विकेट लिए। साइ किशोरले २ विकेट लिए।
आईपीएलमा आज कोलकता नाइड राइडर्स र सनराइजर्स हैदरावाद भिड्नेछन्।
