हिमाल प्रेस 
काठमाडौँ- दीपक लम्सालको लगानीमा फिल्म ‘हे माया’ निर्माण हुने भएको छ। फिल्म जुनिम गहतराजले निर्देशन गर्ने भएका छन्। उनको निर्देशनमा ‘ताण्डवम्’ गत फागुनमा प्रदर्शनम भएको थियो।
फिल्मको पटकथा तथा संवाद चक्रपाणी सांखीले लेखिरहेका छन्। फिल्ममा नाम चलेका कलाकारहरुको नै अभिनय रहने निर्माता लम्सालले जानकारी दिए।
नेपाली नयाँ वर्ष सुरु भएसँगै सिनेमाको कास्ट एण्ड क्रिउ सार्वजनिक गर्ने तयारी निर्माण टिमको छ। टिमका अनुसार आगामी वर्ष जेठदेखि फिल्मको छायांकन सुरु गरिनेछ।
निर्माता दीपक लम्साल लामो समयदेखि भारतको मुम्बईमा बसेर बलिउड र दक्षिण भारतीय फिल्मको नेपाल रिलिजको चाँजोपाजो मिलाउँदै आइरहेका छन्। उनले पहिलो पटक नेपाली फिल्म निर्माणमा हात हाल्न लागेका हुन्। रियल इन्टरटेनमेन्टको ब्यानरमा निर्माण हुनेछ।
प्रकाशित: २० चैत २०८१ ११:५७
प्रतिक्रिया
