हिमाल प्रेस 
फाइल तस्बिर
बागमती- बागमती प्रदेशसभाको बैठक आज अपराह्न १ः०० बजेका निम्ति आह्वान भएको छ।बजेट बाँडफाँटमा दलीय सहमति नहुँदा मंगलबार लागि बोलाइएको बैठक सूचना टाँसेर स्थगन भएको थियो।
सभामुख भुवनकुमार पाठकले प्रदेशसभा बैठक सञ्चालन गर्न आज पनि दलहरूबीच छलफल हुने र सहमतिका निम्ति अधिकतम प्रयास गरिने बताए।
सरकार पक्ष र प्रतिपक्ष दलबीच छलफल भए पनि कुनै निष्कृर्ष आउन नसकेकाले आज पुनः संयुक्त छलफल राखिएको सभामुख पाठकले बताए।
चालु आर्थिक वर्षको बजेट बाँडफाँटमा सरकारले सन्तुलन कायम गर्न नसकेको र विगतका सहमति कार्यान्वयन नभएका भन्दै प्रतिपक्ष दलले बैठक अवरुद्ध गर्ने जनाउ दिएपछि सभामुख पाठकले सहमतिका लागि दलहरूसँग संयुक्त छलफल गर्दै आएका छन्।
प्रकाशित: २० चैत २०८१ ११:२७
प्रतिक्रिया
