हिमाल प्रेस 
काठमाडौँ- इन्डियन प्रिमियर लिग (आईपीएल)मा लखनउ सुपर जायन्टलाई ८ विकेटले पराजित गर्दै पन्जाव किंग्स विजयी बनेको छ। मंगलबारको खेलमा लखनउले प्रस्तुत गरेको १७२ रनको सामान्य लक्ष्यलाई पन्जावले १६.२ ओभरमा २ विकेटको क्षतिमा भेटायो।
पन्जावको जितमा प्रभसिमरन सिंहले सर्वाधिक ६९ रनको योगदान दिए। उनी ३४ बलमा ९ चौका र ३ छक्का प्रहार गरेपछि आउट भए। कप्तान श्रेयस ऐयर ५२ र नेहाल वाडेरा ४३ रनमा अविजित रहे।
लखनउमा पन्जावले टस जितेर फिल्डिङ रोजेपछि ब्याटिङ गरेको लखनउले निर्धारित २० ओभरमा ७ विकेटको क्षतिमा १ सय ७१ रनको योगफल तयार पारेको थियो।
निकोलस पुरनले सर्वाधिक ४४ रन थपे। आयुष बाडोनीले ४१ र अब्दुल समादले २७ रन थपे।
ओपनर एडेन मक्रम २८ रन बनाउँदा क्याच आउट हुन पुगे।
पन्जावका लागि अर्षदिप सिंहले ३ विकेट लिए। लोकी फर्गुसन, ग्लेन म्याक्सवेल, मार्को जानसेन र युजभेन्द्र चाहालले समान एक विकेट लिए।
