
काठमाडौँ- धनगढी एफसीले नेपाल सुपर लिगमा विजयी थालनी गरेको छ। धनगढीले दशरथ रंगशालामा मंगलबार बुटवल लुम्बिनी एफसीलाई ४-१ ले पराजित गरेको हो। जितपछि धनगढीले तीन अंक जोडेको छ। पहिलो पराजय बेहोरेको बुटवलको दुई खेलबाट एक अंक छ।
धनगढीलाई जिताउन अहमद हिजाजीले दुई तथा कृतिशरत्न छुन्जु र सर्जियो बार्बोजाले एकएक गोल गरेका थिए। बुटवलका लागि कान्ता हेराले गोल फर्काए।
खेलको छैटौँ मिनेटमा हिजाजीको गोलमार्फत धनगढीले अग्रता लिएको थियो। हाराले ३२औँ मिनेटमा बुटवललाई बराबरीमा ल्याए।
मार्की खेलाडी कृतिशरत्नले ७५औँ मिनेटमा गरेपछि धनगढी २-१ ले अगाडि बढ्यो। इन्जुरी समयमा हिजाजीले व्यक्तिगत दोस्रो गोल गर्दा धनगढीको अग्रता ३-१ मा पुग्यो।
इन्जुरी समयमै बार्बोजाले गोल गर्दै धनगढीलाई ४-१ को गौरवशाली जित दिलाए।
प्रकाशित: १९ चैत २०८१ २२:२०
प्रतिक्रिया