अस्ट्रेलियामा ‘आनन्द कार्कीको सुमधुर साँझ’

हिमाल प्रेस १९ चैत २०८१ १३:३७
6
SHARES
अस्ट्रेलियामा ‘आनन्द कार्कीको सुमधुर साँझ’

काठमाडौँ- आउँदो अप्रिल १० मा अस्ट्रेलियामा ‘आनन्द कार्की सुमधुर साँझ’ हुने भएको छ।

पाल्पा इन्टरटेन्मेन्टको प्रस्तुति रहेको कार्यक्रम बार्दली फङ्सन सेन्टर, मेरिल्यान्डमा हुनेछ। साँझ साढे ६ बजेबाट सुरु हुने सांगीतिक साँझमा आनन्द कार्कीले आफ्ना चर्चित सुमधुर गीतहरू गाएर दर्शकलाई झुमाउनेछन्।

आधुनिक तथा नेपाली सिनेमा पार्श्वगायनका लागि परिचित कार्की जनम जनम जिउँला सँगै, यी हल्लाहरू हुन् तिमीले सुनेका, लाग्छ मन हेरिरहुँ, सुन सुन मायालु जोडी हो, जिन्दगी बाँच्नु छ २-४ दिन, संसार यो बनेको छ, भरे आउँछु सपनीमा, तिमीसँग जे छ जस्ता गीतका लागि चर्चित छन्।

कार्यक्रममा अस्ट्रेलियामा बस्दै आएकी गायिका प्रीति घिमिरेले समेत आफ्नो प्रस्तुति दिनेछिन् भने कार्यक्रमलाई कलाकार, निर्माता तथा निर्देशक सोभित बस्नेतले सञ्चालन गर्नेछन्। गाला डिनरसहितको यो सांगीतिक कार्यक्रमका लागि ५५ अस्ट्रेलिया डलरको टिकट तोकिएको छ।

साँझमा कार्कीले करिब २ घण्टा लामो सांगीतिक प्रस्तुति दिने जानकारी आयोजक संस्था पाल्पा इन्टरटेन्मेन्टले दिएको छ। पाल्पा इन्टरटेन्मेन्ट अस्ट्रेलियामा नेपाली सांगीतिक तथा सिनेमा गतिविधिमा सक्रिय रहँदै आएको छ।

प्रकाशित: १९ चैत २०८१ १३:३७

प्रतिक्रिया

Leave a Reply

Your email address will not be published. Required fields are marked *

3 × 2 =


© Nepali horoscope

© Gold Price Nepal

© Nepal Exchange Rates
© Nepal weather forecast