ईसीडी शिक्षकको मागमा सरकारले गर्‍यो यस्तो निर्णय

काठमाडौँ- सामुदायिक विद्यालयका प्रारम्भिक बालविकास सहजकर्ता (ईसीडी शिक्षक) को हकमा सरकारले विभिन्न निर्णयहरू गरेको छ।

शिक्षा, विज्ञान तथा प्रविधि मन्त्रालयमा बुधबार बसेको सरकार र नेपाल शिक्षक महासंघबीचको बैठकले ईसीडी शिक्षकहरूको विषयमा सहमति जुटाएर मन्त्रिपरिषद्मा लगेको थियो।

उक्त विषयलाई मन्त्रिपरिषद्ले निर्णय गरेको हो। ईसीडी शिक्षकको अब बिरामी बिदा सञ्चित हुने र सो बापतको रकम अवकाश भएका बखतमा एकमुष्ट प्राप्त गर्नेछन्।

त्यस्तै ईसीडी शिक्षकको पारिश्रमिकका सम्बन्धमा नेपाल सरकारबाट तोके बमोजिम व्यवस्था गर्ने सहमति पनि भएको छ।

आगामी आर्थिक वर्ष २०८२/८३ को बजेटमार्फत हाल पाउँदै आएको पारिश्रमिकमा वृद्धि हुने बुझिएको छ।

शिक्षकहरूको २९ दिन लामो आन्दोलन अन्त्य, शिक्षा ऐन असार १५ गते पारित गर्ने सहमति