प्रधानमन्त्रीका सल्लाहकारले ज्ञानेन्द्र शाहबारे भने : अढाई सय वर्षसम्मको चकचकी र लुट खसोट गर्ने यिनै होइनन्?

काठमाडौँ- नेकपा एमालेका उपमहासचिव एवं प्रधानमन्त्री केपी शर्मा ओलीको प्रमुख राजनीतिक सल्लाहकार विष्णु रिमालले पूर्वराजाले आफ्नो नश्लीय पाखण्डको पर्दाफास गर्न खोजेको बताएका छन्।

उनले सामाजिक सञ्जालमा भनेका छन्, ‘यिनीहरू नै थिए त ! अढाई सय वर्षसम्मको चकचकी र लुट खसोट बिर्सिए पनि ०४६ चैतसम्म ‘हाम्रा मुख थुन्ने, ‘यहाँबाट त्यहाँ’ जान नदिने जस्ता ‘राम राज्य’का सञ्चालक यिनीहरू नै थिए हैन र?’

‘एयरपोर्ट जाऔं- स्वागत गरौं’ भन्ने अनुहार र २०६१ माघ १९ देखि ०६३ सम्मको ‘गोल्डेन डेज’आयो भन्दै ती ‘डेज’मा ‘गोल्ड’को गोडमेल गर्नेहरू पनि यिनीहरू हैनन् र?! ‘रक्त शुद्धता र वंश-परंपरा’ नश्लीय पाखण्डको पर्दाफाश गरौं!’ अंग्रेज़ीमा एउटा भनाई छ नि, ‘फर्गिभ-वट नट फर्गेट?’