हिमाल प्रेस 
काठमाडौँ- आईसीसी च्याम्पियन्स ट्रफीको फाइनल आज (आइतबार) दुबईमा हुँदैछ। उपाधिका लागि भारत र न्युजिल्यान्ड भिड्दैछन्। यी दुई टोलीमध्ये उपाधि विजेता कुन टोली बन्छ सहज भन्न सकिँदैन। टोली इतिहास र प्रदर्शन हेर्दा दुवैलाई कम अनुमान गर्न सकिँदैन।
न्युजिल्यान्डले सेमिफाइनलमा दक्षिण अफ्रिकालाई ५० रनले हराएर फाइनल पुग्दा अस्ट्रेलियालाई पराजित गर्दै भारत उपाधि भिडन्तमा पुगेको हो।
यस्तो छ यसअघिको खेल
समूह चरणमा नै भारत र न्युजिल्यान्ड भेट भइसकेका छन्। उनीहरू एकै समूह रहेका थिए। भारतले न्युजिल्यान्डलाई ४४ रनले हराइसकेको छ। भारत भने फाइनल पुग्ने पहिलो टिम बनेको थियो । टोलीले पनि सेमिफाइनलमा अस्ट्रेलियासामु उत्तिकै प्रभावशाली जित निकालेको थियो।
यस्तो छ इतिहास
आईसीसीको ३ वटै फर्म्याटका प्रतियोगितामा भारत र न्युजिल्यान्डबीच १६ खेल भएका छन्।
जसमा १० खेलमा न्युजिल्यान्ड र ६ खेलमा भारतले जित हासिल गरेको छ। यद्यपि, एकदिवसीय क्रिकेटमा भने दुवै टिमले बराबरी खेल जितेका छन्। अर्थात् यी दुई टिमबीच १२ खेल हुँदा दुवैले समान ६-६ जित निकालेका छन्।
