लगातार तेस्रो दिन घट्यो नेप्से परिसूचक

काठमाडौँ- नेपाल स्टक एक्सचेन्ज (नेप्से) परिसूचक तेस्रो दिन पनि घटेको छ। सोमबारबाट घट्न थालेको परिसूचक बुधबार पनि घटेको हो। बुधबार परिसूचक २५.१६ अंकले घटेर २८२१.१३ मा कायम भएको छ। यसअघि मंगलबार परिसूचक ३०.३६ अंकले घटेको थियो। साताको कारोबारको पहिलो दिन आइतबार उच्च अंकले बढेको नेप्से परिसूचक सोमबार र मंगलबार पनि दोहोरो अंकले घटेको थियो।

मंगलबार नेप्से परिसूचक २८४६.३० को विन्दुमा कायम भएको थियो। बुधबार ६२ वटा कम्पनीको सेयर मूल्य बढेको छ। यसैगरी १७४ वटा कम्पनीको सेयर मूल्य घटेको छ। आठवटा कम्पनीको सेयरमा भने कुनै घटबढ भएको छैन।

कारोबार रकम पनि घटेर १०.९७ अर्ब रुपैयाँमा सीमित भएको छ। सबैभन्दा बढी कारोबार हिमालयन रिइन्स्योरेन्स कम्पनी लिमिटेडको सेयरमा भएको छ। यसको कारोबार रकम ९६७.०९ करोड रुपैयाँ पुगेको छ। त्यसपछि नेपाल रिइन्स्योरेन्स कम्पनी लिमिटेड ९०३.१४ करोड र सगरमाथा जलविद्युत् कम्पनी लिमिटेड ३०७.९४ करोड रुपैयाँको कारोबार भएको छ।