हिमाल प्रेस 
काठमाडौँ- सुदीप भुपाल सिंहको निर्देशनमा बनेको फिल्म ‘श्री बुकुरोः द होम कलिङ’को दोस्रो टिजर सार्वजनिक भएको छ।
वरिष्ठ अभिनेत्री लक्ष्मी गिरीको संवादबाट सुरु भएको टिजरमा टिजरमा एक परिवारको सम्बन्धमा आउने उतारचढावलाई देखाइएको छ।
फिल्म रेञ्जको ब्यानरमा बनेको फिल्ममा आशीर्वाद क्षेत्री, लक्ष्मी गिरी, निकिता आचार्य, प्रतिकराज आचार्य, रोशनी कार्की, राजन इशान, दीपिका थापा, लय संग्रौला, मोहन निरौला, रामबाबु रेग्मी, रश्मी भट्ट, उत्तम केसी, गीता थापा, सपना श्रेष्ठ, आशिका शाही, दीपक कार्की र रजिना विश्वकर्मालगायत कलाकारको अभिनय छ।
सामाजिक पारिवारिक कथामा बनेको फिल्मको पोस्ट प्रोडक्सनको काम अन्तिम चरणमा छ। केही दिनमा फिल्मको प्रदर्शन मिति घोषणा गर्ने तयारी निर्माण टिमको छ।
फिल्ममा निर्देशक सिंह स्वयंको लेखन तथा रुबी सेन सिंहको निर्माणमा बनेको छ। सञ्जय लामा र राजेश श्रेष्ठले छायांकन गरेको फिल्ममा मुस्ताङ, बाग्लुङ, कास्की, दमौली, मकवानपुर र काठमाडौँको दृश्य कैद गरिएको छ। यही फिल्मबाट निर्देशक सिंह ७ बर्षपछि निर्देशन फर्किएका हुन्। यसअघि उनले ‘माला’ र ‘रुद्रप्रिया’को निर्देशन गरेका थिए।
