हिमाल प्रेस 
यू १९ क्रिकेट टोली। फाइल तस्बिर
काठमाडौँ- नेपाली यू १९ पुरुष क्रिकेट टोलीले घरेलु मैदानमा अफगानिस्तानसँग एकदिवसीय शृंखला खेल्ने भएको छ।
नेपाल क्रिकेट संघ (क्यान) ले मंगलबार अफगानिस्तानसँग तीन खेलको शृंखलाका लागि आउने जानकारी दिएको छ। मुलपानी क्रिकेट रंगशालामा शृंखला आउँदो चैत २१, २४ र २७ मा हुनेछ।
नेपाली युवा टोलीले पहिलो पटक अफगानिस्तानसँग शृंखला खेल्न लागेको हो। यसअघि नेपाली युवा टोलीले विश्वकप छनोट र एसिया कपमा अफगानिस्तानलाई हराएको छ। नेपाली युवा टोलीको टिम घोषणा भने बाँकी छ। यसअघि नेपाल हेमन्त धामीको नेतृत्वमा यू १९ विश्वकप खेलेको थियो। उनी अहिले सिनियर टोलीका सदस्य छन्।
प्रकाशित: २० फागुन २०८१ २१:०१
प्रतिक्रिया
