हिमाल प्रेस 
काठमाडौँ- आईसीसी च्याम्पियन्स ट्रफी क्रिकेटको मंगलबार सेमिफाइनलमा अस्ट्रेलियाले भारतलाई २६५ रनको लक्ष्य प्रस्तुत गरेको छ।
दुबई इन्टरनेशनल क्रिकेट स्टेडियममा टस जितेर पहिले ब्याटिङ गरेको अस्ट्रेलिया ४९.३ ओभरमा अलआउट हुनुपूर्व २६४ रन बनाउन सफल भयो। अस्ट्रेलियाका लागि कप्तान स्टिभ स्मिथले सर्वाधिक ७३ रन बनाए भने एलेक्स क्यारीले ६१ रन थपे। ओपनर ट्राभिस हेडले ३९ रन बनाए । मार्नस लबुशेनले २९ रन बनाए।
भारतका मोहम्मद शामीले १० ओभरमा ४८ रन दिएर ३ विकेट लिए । वरुण चक्रवर्तीले १० ओभरमा ४९ रन दिएर २ विकेट लिए। रविन्द्र जडेजाले २ तथा हार्दिक पान्ड्या र अक्षर पटेलले १-१ विकेट लिए। खेलको दोस्रो इनि?स केहीबेरमा हुनेछ।
प्रकाशित: २० फागुन २०८१ १८:२९
प्रतिक्रिया
